FANS

FANS (Friends of all Nations Stellenbosch)

Op die Stellenbosch kampus is 2500 internasionale studente van 80 lande. Baie kom uit geslote lande vir die evangelie en is toekomstige leiers. ‘n Verskeidenheid aktiwiteite word saam met internasionale studente aan gepak. Daar is ook elke Sondag ‘n Engelstalige erediens om 10h30 in die gemeente se “Khaya” (by die Kruiskerk kompleks) wat op internasionale studente fokus, maar ‘n heerlike multikulturele tuiste vir enigeen bied. Studente kan by hierdie dinamiese en groeiende bediening  inskakel, selfs baie leer, maar ook baie vir ander beteken.

FANS se missie is om vriende te wees vir internasionale studente wat soos vreemdelinge in Stellenbosch voel. Om uit te reik en hande te vat. Die hoof idee van die uireikaksie is om die liefde van God, Christus se verlossing en die Heilige Gees se hoop aan hulle te verkondig, sodat hulle dissipels kan wees van God se koninkryk. Sodoende verkondig hulle die Goeie Nuus as hul terug gaan na hul tuiste.

Daar is kwartaalliks sosiale bymekaarkomste waar mense om tradisionele Suid-Afrikaanse disse kuier, berge gaan klim, see toe gaan en op vele meer uitstappies gaan. Dit is ‘n wonderlike manier om tot die studente deur te dring op ‘n alledaagse wyse en om verhoudings op ‘n spontane en genotvolle manier te bou. ‘n Mens kan nie help om te glimlag as jy van die internasionale studente se gesigsuitdrukkings sien wat vir die eerste keer die see sien of ‘n koeksister eet nie!

Daar is ook kampe wat op ‘n gereelde basis plaasvind. Die internasionale  studente gaan kamp dan vir ‘n naweek by die see saam met die FANS  bediening span. Dit is ‘n wonderlike manier om deur verskeie aktiwiteite te getuig en verhoudings te bou. ‘n Mens leer dan baie nie net van jouself nie maar ook van jou mede mense en hulle kulturele gewoontes. Dit maak ‘n nuwe wêreld oop waarin ‘n mens op ‘n sosiale en geestelike vlak met die kan kommunikeer!

Eredienste is elke sondag oggend 10:30 in die Khaya by Kruiskerk.

Vir meer inligting, kontak vir:

Jurie Goosen
Tel: 0832355920
E-pos: fans@kruiskerk.com

Of vul die vorm in hier onder:

Naam & Van

Epos

Onderwerp

Boodskap

CAPTCHA
captcha